Слога Виница е повторно лидер во Втората лига Исток откако славеше со 1-2 во дербито против Победа на стадионот „Гоце Делчев“ во Прилеп. Виничани одиграа одличен меч и имаа водство од два гола, откако погодија капитенот Иван Митров во 26.минута и Давид Димитров во 64.минута.
Победа ја врати надежта со голот на Дарко Анѓелески во 77.минута, но бодовите сепак одлетаа за Виница.
Камница Саса славеше со 1-3 на гости против Детонит јуниор. Филип Димоски, Даниел Гоцевски и Дарко Алексовски стрелаа за гостите, а Славчо Јанев погоди за Детонит.
Кит Го со 2-1 го победи Братство. Бошко Ступиќ беше двоен стрелец за Кит Го, а Еркан Шаип го постигна погодокот за Братство.
Беласица и Кожуф ремизираа, 1-1. Христијан Пејков во 54.минута го доведе Кожуф во водство, а израмни Александар Коцев од пенал девет минути подоцна.
Локомотива и Осогово исто така ремизираа 1-1. Џемал Ибрахимовиќ беше стрелец за домашните во седмата минута, а Осогово израмни преку Тоше Манов во 53.минута.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski