Тотенхем го насочи фокусот кон дефанзивецот на Торино, Алесандро Бонџорно, за нивниот летен шопинг. 24-годишниот фудбалер се претстави одлично во текот на актуелната сезона, стигнувајќи до италијанската репрезентација. Ова го привлече вниманието на Тотенхем, кој е подготвен да даде понуда за него на лето, пишува „Калчомеркато“.
Тотенхем често бараше нови засилувања во Серија А во последниве години, откако веќе прими голем број играчи од таму како што се Дестини Удоџи, Гилјемо Викарио, Раду Драгушин, Дејан Кулушевски, Кристијан Ромеро и Родриго Бентанкур. Сега клубот повторно гледа кон Апенините, а на нишан им е Бонџорно.
Лондончани веќе стапиле во контакт со Торино за да ја испитаат можноста за можен трансфер на дефанзивецот. Двата клуба дури веќе разговарале и за цената на играчот која е 35 милиони евра.
Сепак, Тотенхем не е единствениот клуб заинтересиран за Бонџорно, кого уште зимата го бараше и Наполи, но нивната понуда вредна 25 милиони и Лео Остигор беше одбиена.
Италијанските медуми тврдат дека тој е веќе договорен за трансфер во новиот шампион Интер.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski