Португалскиот стратег Жозе Мурињо ја одведе Рома до прво европско финале по повеќе од три децении, а има можност да стане првиот тренер кој ќе го освои пехарот во новоформираната Конференциска лига на УЕФА. Воедно, тој е првиот кој играл финале со различни тимови, во сите европски натпреварувања.
По трофеите во ЛШ со Порто и со Интер, како и пехарот во Лигата на Европа со Манчестер Јунајтед, сега е на прагот да ја освои Конференциската лига на УЕФА со Рома.
„Само сакам да си одам дома…Многу сум изморен… Семејството победи. Рома е едно големо семејство. Во финалето сме, сега сакаме да победиме и да го освоиме пехарот. Мислам дека бевме одлични. Можеби некој нема да се согласи, но нашиот голман имаше само две одбрани во двомечот против тим од Премиер-лигата“, изјави Жозе Мурињо.
