Претседателот на Наполи, Аурелио де Лаурентис, потврди дека тренерот Лучијано Спалети ќе си замине по сезоната во која наполитанскиот клуб ја освои Серија А за прв пат по 33 години.
„Спалети е слободен човек. Кога некој ќе ви каже дека дал сѐ од себе и дека сака да земе една година одмор, правилно е да го пуштите да си замине. Имаше уште една година од договорот, но сакаше да си замине. Што можам да направам? Ни даде толку многу, му благодарам“, изјави Де Лаурентис за италијанските медиуми.
Наполи има 87 бода пред крајот на италијанскиот шампионат, дури 16 повеќе од вториот Лацио.
„На почетокот на јуни 2022 година бев на прес-конференција. Продадовме неколку играчи кои го завршија својот циклус во Наполи, иако некои не се согласуваа со тоа. Ме прашаа што правам, а јас реков дека можеме да ја освоиме Серија. А. Сите беа изненадени, дури и Спалети кој не знаеше кого купивме во тоа време“, додаде Де Лаурентис.
Јужнокорејскиот стопер Ким Мин-Јае и грузиската ѕвезда Квича Кварацкелија пристигнаа во јуни минатата година, додека напаѓачот Виктор Осимен беше купен во 2020 година. Тројцата беа клучни играчи за Наполи и сите се споменуваат како потенцијални заминувања.
Спалети може да биде заменет со Луис Енрике, Тијаго Мота, Винченцо Италијано или Серџо Консеисао.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski