Интер на лето ќе се засили со напаѓачот на Порто, Мехди Тареми. Според италијанските медиуми, договорот на иранскиот играч ќе биде на две години, а ќе има опција да го продолжи за уште една сезона.
Интер и Тареми постигнаа договор за трансфер пред повеќе од еден месец. Напаѓачот пристигнува во италијанскиот шампион на слободен трансфер од Порто, а „змејовите“ веќе се информирани за зделката.
„Нероаѕурите“ ќе се засилат и со играчот од средниот ред на Наполи, Пјотр Зелински. Полјакот исто така пристигнува на слободен трансфер.
