Лидерот во западната второлигашка конкуренција, Струга Трим Лум забележа нова победа во подготвителниот период, овој пат против Дрита од Боговиње со убедливи 3-0.
Флорент Османи, Алтон Лога и Нијаз Лена беа стрелци на головите за Струга ТЛ и тоа во второто полувреме, откако првите 45 минути завршија без погодоци.
За стружани до стартот на вториот дел од шампионатот остануваат уште тест дуелите против Тетекс, Велазерими и Гостивар.
