Менаџерот на Арсенал, Микел Артета, не мисли дека битката за титулата во Премиер – лигата сега се води само меѓу неговиот тим и Манчестер Сити, откако Ливерпул заостана по поразот од Евертон минатата недела. В недела „топчиите“ гостуваат кај Тотенхем во дербито на северен Лондон, во еден од решавачките натпревари до крајот на сезоната.
„Ние сме во битката. Мораме да се погледнеме себеси, да се обидеме да се претставиме на најдобар можен начин, да ги добиеме нашите натпревари и да видиме што ќе се случи. Дали битката сега е само меѓу два тима? Мислам дека не. Оваа лига е екстремно напорна и може да има уште многу пресврти. Сите знаеме колку е тешко да се победува на сите натпревари“, изјави Артета.
Тој со пофални зборови се изрази за менаџерот на Тотенхем.
„Многу сум импресиониран од она што го прави Постекоглу. Не сум изненаден бидејќи го познавам од времето кога работеше во Австралија, кога беше во Јапонија, го следев во Селтик. Во текот на целиот период, тој отсекогаш бил многу јасен со насоката и идентитетот на начинот на кој игра неговиот тим. Сигурно ќе бидеме подготвени“, изјави Артета.
Шпанецот откри дека сѐ уште има шанси Јуриен Тимбер да биде составот за дербито, но одлуката ќе биде донесена утре.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski