Баерн Минхен и Ајнтрахт Франкфурт ремизираа (1-1) на „Алијанц арена“. Тоа е трето реми во низа за баварскиот тим во Бундес-лигата и сега има само еден бод предност на врвот пред Унион Берлин, два пред Лајпциг и три пред Фрајбург. Неверојатно интересен ќе биде вториот дел од сезоната во германскиот шампионат.
Баерн Минхен поведе со голот на Лирој Сане во 34.минута, но израмни Рандал Коло Муани со голот во 69.минута. До крајот Баерн не успеа да возврати и да стигне до триумф.
