Тренерот на Барселона, Чави Хернандез, го создава тимот кој на каталонскиот клуб треба да му донесе нова жетва на трофеи во годините што следат.
Единствено што му недостасува во сложувалката е класичен напаѓач, па иако се шушкаше за Роберт Левандовски, дури и за Ерлинг Халанд, на „Камп Ноу“ може да се врати добро познато лице.
Новинарот Хозе Алварез во ТВ емисијата „Чирингито“ откри дека Барселона е заинтересирана да го врати Луис Суарез во своите редови.
Во оваа приказна всушност има многу логика. Барса е во сериозни финансиски проблеми и доколку летово не продаде дел од фудбалерите ќе нема пари за скапи трансфери. Договорот на Луис Суарез со Атлетико Мадрид истекува на крајот од сезоната и тој би дошол како слободен агент.
За Суарез се интересираат и Астон Вила и Њукасл во Премиер – лигата, како и Интер Мајами од МЛС – лигата во САД.
