Алиоски го повреди коленото и побара замена

Македонскиот репрезентативец Езгјан Алиоски многу брзо мораше да ја напушти играта на натпреварот од Чампионшип дивизијата меѓу Брентфорд и Лидс Јунајтед. Тој имаше непријатен пад на теренот и побара да биде заменет по само 11 минути игра. Неговото колено веднаш беше обвиткано со мраз.
Лидс Јунајтед на полувреме има негатива од 1-0 на гости против Брентфорд, а овој меч има огромно значење за тимот на Алиоски во битката за директен влез во Премиер – лигата.