Лидс Јунајтед оствари гостинска победа на „Кревин котиџ“ против Фулам (1-2) и по четири кола ја почувствува повторно убавината на триумфот во Премиер – лигата. Македонскиот репрезентативец Езгјан Алиоски го одигра целиот натпревар за Лидс и беше еден од позабележителните актери на теренот.
Патрик Бамфорд донесе предност за гостите во 29.минута, но Фулам израмни само девет минути подоцна со погодокот на Јоаким Андерсен.
Во вториот дел, Рафиња го постигна победничкиот гол за Лидс Јунајтед. Тој во 58.минута на асистенција на Бамфорд ја погоди мрежата на Фулам.
