Бразилецот Нејмар ја демантираше информацијата дека го нападнал клускиот соиграч Џанлуиџи Донарума во соблекувалната по поразот од Реал Мадрид (3-1) и елиминацијата во Лигата на шампионите.
Италијанскиот голман му испрати линк од написот на „Марка“ и напиша:
„Здраво Неј. Жал ми е за тоа вчера, но оваа вест е неприфатлива“.
Бразилецот веднаш му одговори на Донарума.
„Пријателе, такви работи се случуваат во фудбалот. Ние сме тим и со тебе сме. Сè уште си млад и ќе освоиш многу трофеи. Главата горе, одиме понатаму“.
