Младата фудбалска репрезентација на Македонија до 19 години денеска (14 часот) го игра вториот натпревар од турнирот за елитните квалификации за ЕП. Избраниците на селекторот Тони Јакимовски загубија од Украина со 0-2 на стартот, па сега ќе имаат шанса за поправен испит против Швајцарците.
Само првопласираната селекција од групата патува на ЕП, па јасно е дека по стартниот пораз младите македонски фудбалери и немаат друг избор освен да тргнат на победа против Швајцарија.
Швајцарците славеа против Летонија со 1-0 во првото коло, на натпреварот кој се одигра на стадионот во Ѓорче Петров.
