Младата фудбалска репрезентација на Македонија до 19 години оствари убедлива победа (4-0) против Саудиска Арабија во пријателски натпревар во Тарагона. Избраниците на Тони Јакимовски, кои се подготвуваат за настап во елитните квалификации за ЕП, беа доминантни на овој дуел.
Мухамед Елмас во 21.минута донесе водство, а Никола Величковски во 33.минута зголеми на 2-0.
Во финишот, Македонија постигна уште два гола. Зенделовски во 83.минута постигна прекрасен гол за 3-0, а конечниот епилог го постави Николовски.
