Лидерот Гостивар заглави во Охрид и загуби со 1-0, а Скопје тоа го искористи и со триумф над Велазерими (1-3) се искачи на врвот. Станува многу интересно и во Втората лига Запад.
Гостиварци со два последовни порази си го загорчуваат животот. Александар Целески беше стрелец на победничкиот погодок за охриѓани во 81. минута од натпреварот.
Скопје славеше со 1-3 на гости кај Велазерими. Мустафа Јусуф ги доведе гостите во водство, израмни Мирлинд Ибраими, но Изет Алрулаху и Иво Јанакиевски донесоа триумф за Скопје.
Кораб во самиот финиш дојде до три бода против Тетекс (1-0), а погоди Ујкан Муча во 90. минута. Вардар Форино и Дрита одиграа без голови (0-0), исто како и Кадино и Велешта (0-0).
