Европската фудбалска федерација (УЕФА) започна истрага за инцидентите на натпреварот од групната фаза на Конференциската лига меѓу Ница и Келн. Синоќешниот натпревар заврши 1-1, но она што се случи на теренот беше далеку најзапаметениот дел од натпреварот, бидејќи навивачите на двата тима имаа жестока пресметка меѓу себе на стадионот.
Поради тоа натпреварот доцнеше речиси еден час додека полицијата не интервенираше.
Агенцијата Франс Прес објави дека во инцидентот се повредени 32 лица.
Обвиненијата поднесени од УЕФА против Ница вклучуваат фрлање предмети, палење факели, непримерно однесување и ограничување на движењето на гледачите од страна на обезбедувањето. Келн ќе биде под истрага за фрлање предмети, палење факели и нарушување на редот.
Речиси 10.000 приврзаници на Келн пристигнаа на гостувањето на Азурниот брег, но нивното доаѓање не беше прифатено со „добредојде“ од Французите, дури и градоначалникот на Ница јавно се пожали на вандализам од германските навивачи.
И обвинителството во Ница отвори истрага за насилството, во кое беа повредени 32 лица. Во тек се три увиди за инциденти, не само на стадионот, туку и надвор од него, како и во центарот на Ница, пренесоа француските медиуми. Целта е да се „идентификуваат и приведат“ одговорните.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski