Агентот на грузискиот фудбалер на Наполи, Квича Кварацкелија, Мамука Џуџели, пристигна во Неапол за да преговара за продолжување на договорот на неговиот клиент, но добил повик и од Барселона, пренесува италијанскиот весник „Газета дело Спорт“.
Џуџели планира да се сретне со претседателот на Наполи, Аурелио Де Лаурентис, за да разговараат за новиот договор на Кварацкелија.
Репрезентативецот на Грузија моментално заработува околу 1,5 милиони евра годишно, а неговиот агент се залага за зголемување на 5 милиони евра по сезона.
Според извештаите, Де Лаурентис може да понуди само 4,5 милиони плус бонуси, колку што беше платата на Виктор Осимен пред неговото неодамнешно продолжување на договорот.
Менаџерот на Квича Кварацкелија сака да знае дали планот на Наполи за следната сезона е доволно амбициозен, а се верува дека има можност да се продолжи договорот и покрај интересот на Барселона за офанзивниот играч за врска.
Тренерот на каталонскиот гигант Чави Хернандез високо ги цени квалитетите на 23-годишниот Грузиец, но Наполи нема намера лесно да се раздели со Кварацкелија.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski