Македонскиот прволигаш Воска Спорт објави дека шестмина фудбалери оваа зима ќе го напуштат клубот.
Во пролетниот дел од сезоната, дресот на Воска нема да го носат голманот Хадис Велии, како и Фати Исмаили, Бесар Исени, Александар Ѓорѓиески, Бујар Хајдари и Сикиру Олатубосун.
Клубот на шестмината фудбалери им се заблагодари за досегашната соработка.
Се шпекулира дека Воска ќе ја засилат Андре Менсалао, бразилскиот интернационалец кој во минатото играше во Шкендија, како и долгогодишниот голман на тетовци, Костадин Захов.
