Атдхе Мазари влезе во одлична форма во завршницата од сезоната. Крилниот напаѓач на Работнички постигна два гола во триумфот (3-1) против Тиквеш, а првиот беше вистинско ремек дело, со атракција и акробатски волеј-удар.
На трибините на овој натпревар беа скаути од Полска и од Чешка кои ја следеа играта токму на 22-годишниот стружанец. Мазари остави одличен впечаток, па сега уште поголем е интересот за него од Лех Познањ, Раков, како и од Плзен и Бањик Острава.
Од поодамна за Мазари постои интерес и од клубови од Унгарија, Хрватска и од Албанија.
