Жоргињо останува во Арсенал уште една сезона

Италијанскиот интернационалец Жоргињо ја продолжи соработката со Арсенал. Тој потпиша нов договор и ќе остане на „Емирати“ и следната сезона.

Договорот на искусниот играч за врска истекуваше на крајот на оваа сезона, а сега соработката е обновена до јуни 2025 година.

„Жоргињо е важен дел од нашиот тим, модел на играч со врвни перформанси и со посебен стил, и секогаш го прави тимот да биде подобар на теренот“, изјави менаџерот на Арсенал, Микел Артета.