Ѕвездата на Рома, Пауло Дибала, останува неизвесен за утрешниот реванш од полуфиналето во Лигата на Европа против Баер Леверкузен. „Фармацевтите“ имаат удобно водство од 2-0 по првиот меч на „Олимпико“ во Рим.
Аргентинскиот напаѓач заработи повреда во неделата против неговиот поранешен клуб Јувентус и беше принуден да излезе од игра.
И покрај тоа што имаше неколку слободни денови, Дибала сè уште не е 100 % фит и ќе треба дополнителни тестови за да се процени неговата состојба за натпреварот против Баер Леверкузен, пишува „Кориере дела Сера“.
