Напаѓачот на Баерн Минхен, Хари Кејн, зборуваше по победата на неговиот тим од 1-0 против Арсенал во реваншот од четвртфиналето на Лигата на шампионите. Баварците се пласираа во полуфиналето по нерешените 2-2 во првиот натпревар и вкупниот успех 3-2. Кејн ги сподели надежите дека тој и соиграчите ќе стигнат до самото финале и ќе успеат да го освојат трофејот.
„Неверојатна победа. Тоа беше тешка сезона за нас. Моравме да се бориме. Знаевме дека можеме да ја направиме разликата со нашите навивачи дома. Кимих постигна одличен гол. Да се пласираме во полуфиналето е големо достигнување за нас и можеме да бидеме среќни поради тоа. На полувремето си кажавме дека сакаме да го зголемиме темпото, да бидеме агресивни. Имавме неколку удари надвор од целта и можевме да си ги олесниме работите, но овие натпревари се секогаш тешки и мораме да ги издржиме. Ќе се обидеме да ја освоиме Лигата на шампионите“, изјави Кејн.
Во полуфиналето, Баерн има многу тежок предизвик во Реал Мадрид. „Кралевите“ по изведување пенали го елиминираа актуелниот победник Манчестер Сити и по секоја цена ќе се обидат да стигнат до уште едно финале и рекордни 15 титули.
Сепак, Баварците нема лесно да се предадат, бидејќи првпат од 2020 година ќе играат меѓу четирите најдобри и по седми пат ќе се обидат да станат европски шампиони.
