Ѕвездата на новиот германски шампион Баер Леверкузен, Флоријан Вирц, е една од најголемите трансферни желби на Баерн Минхен. Раководството на Баварците посакува да го купи офанзивниот играч за врска и нема да штеди пари за таков трансфер, пишува „Кикер“.
На „Алијанц Арена“ се подготвени да потрошат многу пари за да го имаат 20-годишниот фудбалер во својот состав. Баерн е подготвен да дејствува веднаш и да го доведе Вирц ова лето, но тој најави дека најверојатно ќе остане во Леверкузен и следната сезона и ќе ја промени клупската припадност во летото 2025 година.
Баерн сака да го комбинира Флоријан Вирц со Џамал Мусијала. Двајцата важат за најголемите таленти во Германија и даваат големи надежи за успех и на Бундестимот на претстојното Европско првенство.
Договорот на Вирц со Баер Леверкузен е до летото 2027 година. Неговата вредност се проценува на над 100 милиони евра.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski