Арсенал најверојатно ќе ги заврши успешно преговорите со Јувентус за играчот од средниот ред, Артур Мело. Според „Тутоспорт“, Бразилецот ќе му се приклучи на тимот од Лондон на позајмица, со опција за откуп.
Артур сака да се приклучи на тимот на Микел Артета и го навести тоа реагирајќи на социјалните мрежи на видеото на кое сонародникот Габриел Жесус постигнува гол против Челси (4-0).
Арсенал го сакаше играчот од средниот ред уште во јануари, но не успеа да се договори со Јувентус. Бразилецот сигурно не е вклучен во пресметките на Масимилијано Алегри за новата сезона и не ни отиде со тимот на турнејата во САД.
„Старата дама“ го купи Артур од Барселона во 2020 година. Формално трансферот беше вреден 72 милиони евра, но реално Бразилецот беше разменет за Миралем Пјаниќ.
