Претседателот на ПСЖ, Насер Ал-Келаифи го нарече Луис Енрике најдобар тренер во светот. Шефот на клубот од Париз беше еуфоричен по елиминацијата на Барселона по убедливата победа од 1-4 на реваншот. Така, францускиот тим се пласираше во полуфиналето на Лигата на шампионите.
„Сите се бореа еден за друг и покажаа колку сакаат да се пласираат во полуфиналето. Имаме навистина одличен тренер, најдобар во светот“, изјави Насер Ал-Келаифи за „Канал плус“.
ПСЖ стана првиот француски тим кој се пласирал во полуфиналето од Лигата на шампионите откако загубил на домашен терен во првиот натпревар.
