Врвот се чува со победи. Лидертот Брегалница денеска (13 часот) гостува кај Плачковица во Радовиш во 22. коло од Втората лига – Исток. Дарко Додев нагласува дека тимот треба да се докаќува на секој нареден натпревар.
„Сакаме победа и нови три бода. Играме одлично изминатиов период и секако, чекор по чекор, на прагот сме на Првата лига. Може да кажам дека атмосферата во тимот е навистина одлична, желни сме за нови победи. Играме без капитенот Ристе Наумов, но секој поединец во тимот слободно може да кажам дека е мотивиран за максимално надигрување“, вели Додев.
Тиквеш го очекува гостување кај Росоман, а тоа е добро познат терен за фудбалерите на Пане Блажевски.
Кожуф е домаќин на Каменица Саса во Гевгелија, Осогово ќе го пречека Кит Го, а Победа ќе ја нагости Слога Виница.
