Каталонскиот гигант Барселона планира да го засили нападот за следната сезона. Дефинитивно нема да го откупи Жоао Феликс, а можно е заминување и на Роберт Левандовски. Затоа тренерот Чави Хернандез и раководството на клубот планираат нови имиња.
Претходно имаше информации дека Барселона ги сака Дарвин Нуњез и Александар Исак во своите редови, а сега има и трета офанзивна цел.
„Мундо Депортиво“ ја пренесува веста дека Барселона е заинтересирана за крилниот напаѓач на Порто, Бразилецот Пепе (27), кој зад себе има многу добра сезона.
Пепе оваа сезона одигра вкупно 47 натпревари за Порто, постигна осум гола и забележа десет асистенции.
Фудбалерот може да ги покрие двете крилни позиции, а има договор со Порто до 2027 година.
