Менаџерот на Челси, Маурисио Покетино, даде многу интригантен одговор на прашањето за неговата иднина во Челси. Аргентинецот истакна дека за да продолжи да работи во клубот не е важно само сопственикот да биде задоволен, туку и тој и неговиот штаб да се чувствуваат среќни што остануваат на „Стемфорд Бриџ“.
„Ако сите сме среќни, тогаш тоа е совршено, но не се работи само за тоа дали сопствениците се среќни. Треба да нѐ прашате и нас бидејќи можеби не сме среќни и сакаме да раскинеме. Тоа не би било првпат стручниот штаб да одлучи да не продолжи во некој клуб. Утре можам да кажам дека заминувам. Има две страни за да се донесе таква одлука. Не се работи само за тоа дали сопственикот е среќен или дали спортскиот директор е среќен. Можеби не сме среќни затоа што дојдовме да работиме, а на крајот не ни излезе она што го очекувавме. Не велам дека не сум среќен, но ако се разделиме нема да биде проблем бидејќи нема да биде крајот на светот“, изјави Покетино.
Челси потфрли во Премиер-лигата оваа сезона, па следната нема да биде дел од Лигата на шампионите.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski