Македонскиот второлигаш Беласица се засили со двајца млади играчи кои потекнуваат од школата на ФК Работнички. Нови членови на струмичкиот тим се Лука Војнески и Борјан Попоски.
Лука Војнески е играч од одбраната и игра на позицијата лев бек, но може да игра и како лево крило, а доаѓа од екипата на ФК Вардар. Претходно има настапувано и во Хрватска за ФК Опатија.
Борјан Попоски кој исто така е играч од одбраната, игра на десната бековска позиција, но може да игра и како стопер, а доаѓа од екипата на ФК Скопје.
