Барзилецот Кашемиро не бил желба на менаџерот Ерик тен Хаг, туку на раководството на Манчестер Јунајтед, откриваат медиумите на Островот. Холандскиот стратег инсистирал на „Олд Трафорд“ да пристигне неговиот сонародник Френки де Јонг, но ниту тој ниту челниците на „црвените ѓаволи“ не успеаја да го убедат да ја напушти Барселона.
После ова, раководните луѓе на Манчестер Јунајтед одлучиле да го доведат Кашемиро.
Тен Хаг размислува дека повеќе му е потребен креатор на играта, отколку дефанзивен играч за врска каков што е бразилскиот интернационалец. Сепак, Кашемиро дојде како голема ѕвезда од Реал Мадрид, со габарит од многу европски трофеи и од него се очекува да се наметне како водечка фигура и во Манчестер Јунајтед.
