Манчестер Сити лесно го победи Манчестер Јунајтед со 0-2 на „Олд Трафорд“ во 11. коло од Премиер – лигата. Јунајтед не можеше да му парира на актуелниот шампион, кој целосно го надигра. Ова го призна и менаџерот Оле Гунар Солскјер.
„Во моментов сме многу далеку од најдобрите тимови. Очекувањата од мене и од играчите се големи и мораме да се вратиме во формата во која бевме порано. Имаме играчи за врвот. Ќе работиме напорно. Не размислувам за заминување. Имам добри односи со клубот и тие се многу искрени. Работам за Манчестер Јунајтед, го сакам најдоброто за клубот и додека сум тука сакам да напредуваме“, изјави Оле Гунар Солскјер.
Манчестер Јунајтед се наоѓа на петтата позиција на табелата со 17 бода, дури девет помалку од лидерот Челси.
