Актуелниот в.д претседател Муамед Сејдини е првиот официјално номиниран кандидат за нов претседател на Фудбалската федерација на Македонија.
Собранието на ОФС Кичево со едногласна одлука синоќа го кандидираше Сејдини во трката за претседател на ФФМ.
Рокот за поднесување кандидатури за нов предводник на македонскиот фудбал завршува викендов. Со оглед на тоа дека остана одржувањето уште само на Собранието на ОФС Велес, сосема е извесно дека Сејдини ќе биде единствениот кандидат за претседател на ФФМ на престојното изборно собрание закажано за 17. март во Охрид.
