Македонската фудбалска репрезентација ги продолжува подготовките за натпреварите против Италија и против Малта во септемврискиот циклус од квалификациите за ЕВРО 2024.
Своите очекувања пред дуелот со Италија ги искажа дефанзивецот Висар Муслиу.
„Дуелите против Украина и Англија треба да ги заборавиме, повеќе боли мечот со Украина, отколку тој во Англија, но тоа е веќе минато. Мора да гледаме напред и сакаме да се покажеме во најдобро светло. Не играме првпат против Италија, секако дека знаеме како треба да се подготвиме“, изјави Муслиу.
