Килијан Мбапе повторно беше кобен за Барселона, но ниту победата на „Монжуик“ нема да ја промени неговата одлука.
Французинот постигна два гола во реваншот за победа од 1-4, но и покрај пласманот во полуфиналето на Лигата на шампионите, неговата одлука да си замине од ПСЖ не е променета.
„Дали овој резултат ќе ја промени мојата одлука? Не, не, не, јас стојам на тоа“, рече Мбапе и продолжи:
„Горд сум што го носам дресот на Пари Сен Жермен, бидејќи сум Парижанец. Со Пари Сен Жермен сонувам за Лигата на шампионите и ќе направиме сѐ за да одиме на Вембли“, заклучи Мбапе.
