Македонскиот второлигаш Слога Виница за нов шеф на стручниот штаб го назначи Крсте Крстев. Тој во минатото седеше на клупата на овој тим и сега повторно доби шанса. Новиот тренер денеска го одработи и првиот тренинг со екипата.
„Би сакал да и се заблагодарам на управата на Слога Виница за укажаната доверба и можност повторно да работам во клуб со кој испишав историја и ветувам дека ќе се вложам максимално и ќе дадам се од себе истата да биде оправдана. Не чека многу работа, но се надевам дека ќе ја израдуваме виничката публика со одлични резултати“, изјави Крсте Крстев.
