Раководството на шпанскиот прволигаш Вилјареал брзо реагираше откако стана јасно дека нивниот досегашен тренер Унаи Емери заминува во Астон Вила. На негово место ќе дојде Кике Сетиен. Преговорите со искусниот стратег завршија успешно и тој се согласи да ја води „жолтата подморница“.
Сетиен е без работа повеќе од две години. Последен пат беше тренер на Барселона, но каталонскиот гигант го отпушти по катастрофалниот пораз (2-8) од Баерн Минхен во четвртфиналето во Лигата на шампионите. Претходно, тој со успех го предводеше Бетис.
Вилјареал имаше разговари и со Марселињо Гарсија Торал, но тој претпочиташе да ја чека одлуката на Луис Енрике дали ќе остане на чело на фудбалската репрезентација на Шпанија и по Светското првенство во 2022 година.
По 11 кола во Ла Лига, Вилјареал е на седмото место на табелата со 18 бодови.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski