Феенорд и Ајакс се големи ривали за титулата во првенството на Холандија оваа сезона, а имаа жесток дуел и во Купот на Холандија. Ајакс како гостин славеше со 1-2, но мечот го карактеризираа многу инциденти.
Душан Тадиќ имаше расправија со Кокчу и во еден момент му порача дека може да јаде трева, а тоа сите муслимани го сфатија како голема навреда во текот на Рамазан.
Тоа не беше сѐ. Дејви Класен заврши со расцепена глава, откако домашните фанови со тврди предмети гаѓаа кон теренот. Во еден момент мечот беше и во прекин.
