Италијанскиот калчолигаш Рома и официјално му даде доверба на Даниеле де Роси да го предводи тимот и наредната сезона. Легендарниот фудбалер на „волчицата“ го анследи тимот од Жозе Мурињо и успеа да го опорави, па сега Рома се бори за пласман и во Лигата на шампионите. Петтата позиција во Серија А многу веројатно носи пласман во елитното европско клупско натпреварување,
Де Роси се нафати да ја предводи Рома до крајот на сезоната, а сега раководството на клубот реши да му понуди нов договор.
„По состанокот со Даниеле де Роси, со задоволство можеме да објавиме дека тој ќе остане на чело на Рома и по завршувањето на сезонава. За краткото време што го мина овде како тренер донесе лидерство и позитивни промени, како продолжение на неговата неверојатна приказна со Рома. Лидерството на Даниеле го одбележуваат храброст и почит, додека неговата сила и доверба се истовремено и главни вредности на Рома. Ќе продолжиме да соработуваме заедно за уште поубава иднина на Рома“, се вели во обраќањето на сопствениците на клубот, Ден и Рајан Фридкин.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski