Пред почетокот на новата сезона, согласно и утврдените планови за инфраструктурен раст на клубот, ФК Брегалница и официјално го пушти во употреба сместувачкиот комплекс во рамките на Градскиот стадион во Штип.
„Супер-модерно опремени 16 апартмани ќе бидат на располагање на фудбалерите на Брегалница. Во рамките на комплексот е и сала за одмор, како и просторија за заеднички состаноци. Сето тоа во функција за значително подобрување на условите за работа во клубот и реализација на зацртаните планови и амбиции“ – информираа од ФК Брегалница преку официјалниот клупски сајт.
