Благој Гуцев ќе остане шеф на стручниот штаб на македонскиот второлигаш Беласица. Раководството на клубот не ја прифати понудената оставка по последниот пораз на струмичкиот тим.
„На денешниот состанок на управата на ФК Беласица АД, беше разгледена понудената оставка на шефот на стручниот штаб Благој Гуцев и беше одлучено едногласно дека не е прифатена истата. Гуцев ја ужива целосната доверба и ја има поддршката на управата, како и на фудбалерите и тој е нераскинлив дел од плановите за иднината на ФК Беласица и враќањето на клубот во ПМФЛ“, се вели во соопштението на клубот.
