На актуелниот капитен на Барселона, Серхио Бускетс, му истекува договорот на крајот од сезоната. Шпанските медиуми пишуваат дека веќе е познато кој ќе го наследи во капитенската улога.
Очигледно веќе е одлучено Жорди Алба да ја преземе капитенската лента во следната сезона.
Алба е само една година помлад од Бускетс, порано се пишуваше дека Барселона е подготвена да го пушти искусниот дефанзивец во нов клуб, но сега ситуацијата се промени и тој ќе потпише нов едногодишен договор до крајот на сезоната 2023/24.
Жорди Алба дојде во Барселона во летото 2012 година од Валенсија, набргу по освојувањето на Европското првенство и досега за каталонскиот клуб одигра 441 натпревар.
