Станува неверојатно интересно во Втората лига Запад. Почнува разврската и ако Силекс е веќе прволигаш, но и размислува за настапот во финалето на Купот на Македонија, Вардар и Воска се уште се во сериозна трка за второто место кое води во баражот за пласман во елитата.
А во двете последни кола многу работи ќе зависат и од Силекс. Шампионот во Втората лига Запад денеска му гостува на Вардар, а во последното коло ќе ја пречека Воска.
„Црвено-црните“ денеска мораат да го победат Силекс ако сакаат да ги продолжат надежите за второто место, освен ако не добијат „помош“ од Беса, која и гостува на Воска. Во моментот, Воска има три бода предност пред Вардар, но „црвено-црните“ имаат подобар меѓусебен дуел.
Интересно е и во битката за опстанок. Охрид во моментот има два бода предност пред Кораби и денеска му гостува на Гостивар. Кораби е гостин на Тетекс, а во последното коло го пречекува Вардар.
ДВОЈКИ ВТОРА ЛИГА ЗАПАД, 26.КОЛО (17 ЧАСОТ)
ВАРДАР – СИЛЕКС
ВОСКА – БЕСА
ТЕТЕКС – КОРАБИ
ГОСТИВАР – ОХРИД
КАДИНО – ВЕЛЕШТА
