Напаѓачот на Ливерпул, Садио Мане, кој прави трансфер во Баерн Минхен, откри дека не размислувал долго за понудата од баварскиот гигант. Мане ги помина медицинските тестови, а двата клуба се договорија за неговиот трансфер вреден 40 милиони евра.
„Кога агентот ми кажа дека има интерес од Баерн, бев среќен. Веднаш се видов како дел од клубот. За мене ова е вистинското место во вистинско време. Имаше и други понуди, но јас го избрав Баерн. Ми се допаѓа работата и спортскиот проект на овој клуб, кој секогаш се бори за трофеи“, изјави Мане.
