Менаџерот на Ливерпул, Јирген Клоп, ја коментираше елиминацијата на неговиот тим во четвртфиналето на Лига Европа. „Црвените“ не успеаја да се квалификуваат за најдобрите четири во натпреварувањето, откако пред една недела беа поразени од Аталанта со 0-3 на „Енфилд“, а во реваншот победија само со 1-0.
„Јасно беше дека си поставивме огромна пречка. Навистина уживав во играта вечерва со желбата и силата што ја покажаа момците. Беше навистина тешко и понекогаш бевме премногу избрзани. Го добивме натпреварот и тоа беше реакцијата што сакавме да ја покажеме. Беше тешко и знаевме дека ќе биде, но тие заслужуваат да одат понатаму 100%. Мораме да се фокусираме на Премиер-лигата и токму тоа ќе го правиме од сега па натаму. Го добивме натпреварот, па се враќаме на победничките патеки. Имаме неколку дена да се опоравиме пред повторно да играме со Фулам. Ќе биде поинаков натпревар, но ќе биде тешко“, изјави Клоп.
Тоа значи дека Јирген Клоп ќе си замине од градот на Битлси само со еден голем европски трофеј – Лигата на шампионите освоена во 2019 година. Сепак, Германецот може да освои уште еден трофеј, бидејќи на еден месец пред крајот на шампионатот во Премиер – лигата, неговиот тим заостанува само два бода зад лидерот Манчестер Сити.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski