Тренерот на Академија Пандев, Југослав Тренчовски очекувано не можеше да ја сокрие разочараноста по убедливиот пораз на струмичани од Зрињски во своето деби на европската сцена. „Пандевци“ загубија со 0-3 во Скопје во првиот натпревар од почетокот квалификациско коло за Лига Европа, со што остануваат мали надежи за пласман во следната рунда натпревари.
„Одигравме навистина лош натпревар во кој бевме инфериорни на физички план. Примивме многу брзо погодок и потоа едноставно беше тешко да се вратиме во игра. Но, мора да се истакне дека за сите нас, вклучувајќи ме и мене, ова е едно ново искуство затоа што не е исто да се игра на европската сцена и на домашната. Дел од вината за ваков пораз припишувам и на мене затоа што можеби, кога сега ќе се погледне, погрешив околу изборот на првите 11. Сепак, останува на реваншот да го поправиме впечатокот. Верувам дека во Мостар ќе одиграме далеку поквалитетен натпревар“ – истакна Тренчовски на прес-конференцијата по средбата.
Стратегот на Зрињски, Хари Вукас презадоволен од триумфот на неговата екипа…
„Среќен сум што дебитирав со ваква победа на клупата на Зрињски. Можеби изгледаше ова лесна победа за нас, но мора да нагласам дека ниту најмалку не беше едноставно. Многу ни помогна раното водство, а потоа беше се полесно. Но, убедливата победа не смее да не залаже и на реваншот мора да одиграме исто вака максимално ангажирано“ – рече Вукас.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski