Напаѓачот на Арсенал, Габриел Жесус, би можел да го напушти клубот ва лето, пренесуваат медиумите на Островот. Раководството на лондонскиот клуб е подготвено да ги слушне понудите за 27-годишниот Бразилец.
Во оваа сезона Жесус одигра 33 натпревари, на кои постигна осум гола и забележа седум асистенции.
Бразилскиот репрезентативец често го мачат повреди, што е проблем за Микел Артета и неговите асистенти.
Втората опција за центарфор, Еди Нкетија, е надвор од форма и не успева да ги искористи шансите што ги добива.
Стратегот на Арсенал веќе има свои опции за нов напаѓач бидејќи оваа позиција во моментот е најпроблематичната во тимот оваа сезона. И покрај сето ова, „топчиите“ се најефикасниот тим во досегашниот дел од Премиер – лигата.
