Шкупи денеска гостува крај езерото во Струга. Тоа е добро познат терен за Блертон Шеји, младинскиот репрезентативец на Македонија, кој ова лето направи трансфер од Струга ТЛ на Чаир. Сега ќе игра против довчерашниот клуб.
Левиот бек вели дека тоа за него ќе биде многу емотивен натпревар.
„Враќањето во Струга, играњето против Струга Трим Лум за мене ќе биде емотивно. Тоа е тимот каде што ја започнав кариерата, тоа ќе биде специјален меч за мене. За нас тоа ќе биде тежок натпревар затоа што домаќинот има квалитетен тим. Сепак, ние сме Шкупи, доброги анализиравме, максимално сме подготвени и не криеме дека сакаме победа на ова гостување. Шкупи оди по трите бода во Струга“, изјави Блертон Шеји.
Шкендија во Тетово ја бара првата победа во новата сезона на дуелот против Македонија ЃП. Интересен ќе биде и дуелот меѓу Скопје и Пелистер, а на арената „Тодор Проески“ ќе играат Работнички и Тиквеш.
Во Велес, Борец ќе биде домаќин на Брегалница. Последниот меч од денешното четврто коло ќе се одигра вечерва (20 часот) во Струмица, а ќе се сретнат Академија Пандев и Ренова.
ДВОЈКИ ПРВА ЛИГА, ЧЕТВРТО КОЛО (16 ЧАСОТ)
ТЕТОВО: ШКЕНДИЈА – МАКЕДОНИЈА ЃП
СТРУГА: СТРУГА ТЛ – ШКУПИ
ВЕЛЕС: БОРЕЦ – БРЕГАЛНИЦА
СКОПЈЕ: РАБОТНИЧКИ – ТИКВЕШ
АВТОКОМАНДА: СКОПЈЕ – ПЕЛИСТЕР
СТРУМИЦА: АКАДЕМИЈА ПАНДЕВ – РЕНОВА (20 ЧАСОТ)
