Беживотно тело на голманот на ГРК Охрид Никола Даниловски утрово е извлечено од водите на Охридското Езеро.
Телото на 26-годишниот ракометар, роден во Скопје, било пронајдено во водите на езерото во близина на туристичката населба Лагадин. Потрагата по него започнала уште синоќа, а била известена и полицијата.
Според првичните информации, нема траги на насилство врз телото, а причините за настапувањето на смртта ќе ги утврди истрагата.
Никола Даниловски претходно бранеше за Металург и Еурофарм Пелистер.
Поради трагичната смрт на младиот голман одложено е комплетното коло од Супер лигата.
Покрај неговиот клуб од младиот голман се простуваат и бројни спортисти, ракометари, фудбалери и фудбалски работници.
„Фудбалскиот клуб Охрид изразува сочуство до фамилијата и до Ракометниот клуб Охрид за загубениот живот на Никола Даниловски. Спортистите кои го носат дресот на Охрид живеат вечно. Почивај во мир“ – се вели во објавата од ФК Охрид.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski