Работнички в сабота гостува во Струмица и ќе ги одмери силите со Беласица во 24.коло од Првата фудбалска лига. Тимот на Александар Влахо сака да се престрои повторно во позитивна насока откако загуби од Академија Пандев (0-2) на домашен терен во минатото коло.
Капитенот Горан Силјановски вели дека Работнички го очекува тешко гостување во Струмица и дека Беласица иако е последнопласиран тим на табелата, оваа пролет покажува далеку подобри игри и има поквалитетен состав.
„Беласица е многу поквалитетен тим оваа пролет. Има неколку одлични индивидуалци во тимот и јасно ни е дека не очекува многу тежок натпревар. Ние ги анализиравме сопствените грешки на мечот против Академија Пандев и ќе се обидеме да бидеме на потребното ниво во Струмица. Целта е да се вратиме во посакуваниот ритам што го имавме пред последниот пораз. Мораме да бидеме максимално фокусирани и внимателни и да го дадеме најдоброто од себе за да успееме во нашата цел“, вели капитенот Горан Силјановски за официјалниот сајт на клубот.
Натпреварот меѓу Беласица и Работнички е закажан за в сабота, со почеток во 15 часот, а ќе го суди Марјан Стојановски.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski