Мохамед Салах објави фотографија на Инстаграм со сопругата и децата пред елката и напиша „Среќен Божиќ“. Објавата за оваа година има повеќе од 2,8 милиони лајкови.
Сепак, во коментарите се огласија бројни следбеници на исламската вероисповед, кои ја навредуваа ѕвездата на Египет и Ливерпул затоа што слави христијански празник.
„Мислев дека си пример и најдобар амбасадор на твојата вера. Не го очекувавме ова, дека ќе го навредуваш Бога. Не ја продавај евтино својата вера”, “Брате муслиман, многу те сакаме, но ние сме изненадени што го славите Божиќ“, „Ги имитирате Роналдо и Меси, но запомнете дека тие се христијани. Но, која е вашата вера? Тие никогаш не ја слават вашата“ и „Не срамете ја нашата религија“ се само дел од коментарите.
Салах објави слични фотографии и претходните две години и ги доби истите коментари.
